കടലിന്റെ മക്കള്...

സുബൈദ വെളിയങ്കോട്
(മുൻ ഹെഡ്മിസ്റ്റ്രസ് )

കടലമ്മ തന്നുടെ കളികളെ കണ്ടു ഞാൻ
കവിതരചിച്ചുരസിച്ചങ്ങിരിക്കവേ,
കളകള നാദത്തിൻ കേളികളാടലിൽ
തത്തിക്കളിച്ചെന്റെ മാനസമങ്ങനെ..

പൊട്ടിച്ചിരിച്ചല തൊട്ടടുത്തെത്തുന്നു
കുട്ടിത്തരത്തിലെൻ പാദങ്ങൾ മൊത്തുന്നു
ഞെട്ടലാഞാനെന്റെ പാദം വലിക്കുമ്പോൾ
പൊട്ടിത്തെറിച്ചവൾപിന്നോക്കമോടുന്നു!


വെള്ളത്തിൻ ത്തള്ളലിലാക്കൊച്ചു വള്ളങ്ങൾ
തുള്ളിക്കളിക്കുന്ന കേളികൾ കാണവേ
പെട്ടെന്നതോർത്തു ഞാനക്കൊച്ചുവള്ളത്തി -
ലമ്മാനമാടുമീ നാടിന്റെ മക്കളെ!
ഒരു തുള്ളി കഞ്ഞിക്കായ് തിരയോടടരാടും
പാരാവാരത്തിന്റരയക്കിടാങ്ങളെ!!
-